Article on other languages:
 |
del.icio.us |
 |
Digg |
 |
Furl |
 |
|
 |
Rojo |
| Add to OnlyWire |
Professor Doktor Wubbo Ockels (* 28 maart 1946, Almelo) is in Nederlânske natuerkundige en is de earste Nederlânske romtefarder.
Opleiding
Ockels studearre natuer- en wiskunde oan 'e Ryksuniversiteit Grins (RuG), dêr't er yn 1973 cum laude syn doktoraaleksamen behelle. Nei syn oplieding wurke hy foar it Kearnfysysk Fersneller Ynstitút dêr't er ûndersyk die nei ûnder oaren it ferfal fan gammastrielen yn nukleêre systemen. Yn 1978 promovearre Ockels oan dy universiteit.
Yn 1978 waard Ockels, doetiids ferbûn as bysûnder heechlearaar oan de RuG, troch it Jeropeeske Romteagintskip (ESA)) frege mei te wurkjen oan it Spacelab program, in gearwurkingsprojekt fan ESA en NASA.
Astronaut
Yn de jieren 1980 en 1981 folge Ockels de astronautenoplieding oan it Johnson Space Center yn Teksas, Feriene Steaten. By de earste Spacelab-flecht, yn 1983, hold Ockels fan de grûn ôf it kontakt mei de wittenskippers fan de bemanning fan de Space Shuttle.
Yn 1985, fan 31 oktober oant 6 novimber, wie er ien fan de bemanningsleden fan de Space Shuttle Challenger. Hy wie as wittenskipper ferantwurdelik foar de mjitapparatuer en de wittenskiplike ûndersiken.
Heechleraar oan 'e TU Delft
Yn de jieren dernei hat er wurksum west foar ESTEC yn Noardwyk; sûnt 1992 is er wurksum as heechleraar oan de Technyske Universteit Delft oan de fakulteit Loft- en Romtefearttechnyk. Hjir is er sûnt 2003 dwaande op it mêd fan duorsume enerzjy.
In tal projekten wer Ockels oan mei wurke hat binne:
- De sinneauto's Nuna, dêr't TU Delft yn 2001, 2003 en 2005 de Wrald Solêrrees mei wûn hat.
- De hegefaasjebus fan Amsterdam nei Grins, dy't in faasje fan 250 km/oere helje kin en oer de normale wegen ride kin. Dit soe in alternatyf wêze kinne foar de Suderseeline.
